"Манчестер Юнайтед"нинг собиқ дарвозабони Марк Боснич жамоа посбони Дин Ҳендерсон ҳақида гапирди. У "talkSPORT" нашрига шундай дейди:
"Менимча, у "МЮ"дан кетиши керак. У ўз фаолиятининг доимий ўйин амалиётига муҳтож қисмида турибди. Буни Диннинг ўзи ҳам билади. Мен буни ушбу мавсум аввалида тушунган эдим. У ўша пайтдаёқ кетиши лозим эди".
Дин Ҳендерсонга ҳозирда "Ньюкасл" катта эътибор билан қарамоқда. Қишки трансферлар ойнасида англиялик дарвозабонга "қарғалар" томонидан яхши таклиф берилиши айтилган.
