"Астон Вилла" клубининг собиқ футболчиси Габриел Агбонлахор Ҳарри Магуайр ҳақида фикр билдирди. У бу ҳақда шундай дейди:

"Мен унинг Албанияга қарши ўйинини томоша қилдим. Менимча, Магуайр яхши ҳаракат қилди. Ҳимоялана олди ва ажойиб голга муаллифлик қилди.  Ҳар сафар у нимадир содир  этганда ҳамма унга қаршидек фикр билдиради. Мен бунга тушунмайман. У инглиз ўғлони, у "МЮ" сардори. Тўғри, у ҳозир босим остида қолган. Нафақат унда, балки бутун жамоада ҳозир катта босим мавжуд. Шунга қарамай Магуайрни мен энг яхши марказий ҳимоячи деб биламан. Келинг, уни ҳадеб тандиқ қилавермасдан, қўллаб ҳам турайлик. Мен учун Рой Киннинг Магуайр ҳақида айтган гаплари қаттиқ таъсир қилди ва бу нотўғри эди".

Аввалроқ Рой Кин "МЮ"нинг "Ман Сити"га мағлубиятида Магуайр ҳамда Люк Шоуни энг катта айбдорлар сифатида кўрсатган эди.