"Ливерпул"нинг собиқ бош мураббийи Рафаель Бенитес ўз келажаги ҳақида фикр ўртоқлашди.

"Менинг келажагим тўғрисида жуда кўп миш-мишлар тарқади, аммо профессионал тарзда айтадиган бўлсам, менга ҳали жиддий таклиф тушгани йўқ.

Узоқ вақт ишсиз қолмаслик керак. Менга мураббийлик ёқади. Менинг яна рақибларни курашга чорлагим, совринлар учун курашгим келяпти.

Англия премьер лигаси - мен учун энг мақбул вариант. Шунда ҳам турнир жадвалининг юқорисидаги жамоалар билан. Яхши иш топишни хоҳлайман, агар ўхшамаса, бошқа давлат клублари вариантларини кўриб чиқаман. Ўйлайманки, ҳамма жойда ишлай оламан. Ахир мен Италияда ҳам, Испанияда ҳам ишлаганман

"Челси"га келадиган бўлсак, унинг хўжайини бир нарсани тушуниши керак: клуб совринларни ютиши учун унга  биринчи даражали, тажрибали мураббий керак. Бу табиий. Менинг яхши мутахассислардан иборат жамоам буни эплай олган бўларди. Лекин бу лойиҳани аслида ким бошқаришини билмаймиз", дея унинг сўзларидан иқтибос келтиради Goal.com.