“Sport Mediaset” нашри хабарига кўра, “Фиорентина” ҳужумчиси Душан Влахович келаси трансфер мавсумида АПЛ клубида фаолиятини давом эттиририши мумкин. Манбага кўра, Душанга асосий даъвогар Лондоннинг “Тоттенхэм” клуби ҳисобланади.

“Шпорлар” бош мураббийи Антонио Конте клуб футболчини январда сотиб олишини таъкидламоқда. “Тоттенхэм” раҳбарияти трансфер учун маблағ ажратишга тайёр.

Жорий мавсумда футболчи 13 та ўйинда майдонга тушиб, 10 та гол уришга муваффақ бўлди. Влахович 50 миллион еврога баҳоланмоқда.