"Астон Вилла" бош мураббийи Стивен Жеррард қишда собиқ клуби "Рейнжерс" футболчиларини сотиб олишни кўзламоқда. Хабарларга кўра, шотландиялик Натан Паттерсон ҳамда финляндиялик Глен Камара инглиз мутахассисининг январь ойидаги асосий нишонлари саналади.
Жеррард раҳбариятдан ушбу футболчилар трансферини сўраб олмоқчи. Негаки, ҳар икки ўйинчининг потенциали унга аён.
Аввалроқ "Астон Вилла" "Рейнжерс"нинг яна бир футболчиси Раян Кентга қизиқаётгани ҳақида хабар қилинган эди, бироқ Шотландия чемпиони асосий таркиб футболчисини сотиш нияти йўқлигини билдирган.
