Тўғриси, футбол мухлислари "Анжи"нинг трансфер хабарлари-ю, Марио Балотеллининг хурмача қилиқларидан безишди. Эшитинг, "тозаси"...
Буюк ишкалчи Марио бу гал супермаркетда "ҳунар" кўрсатди. Дўстлари билан "Trafford Centre" савдо марказига кирган Балотеллидан қўриқчилар капишонини ечишни талаб қилишади. Супермаркетни тунашга келди, деб ўйлашган бўлишса керак. Лекин Марио буйруққа кўнармиди, қўлини пахса қилиб тахминан шундай деган: "Сен билан "любой" жойда "любойча"сига гаплашман". Қўриқчилар барзанги йигитлармасми, уни кўтариб дарҳол ташқарига чиқариб қўйишган.
Иккинчи "ҳунар"ини стриптиз клубида кўрсатган.
Футболчи "Gazzetta dello Sport" нашрига берган интервьюсида шундай деган: "Хато иш қилганим йўқ. Фақат севгилимни дугоналари билан бу клубга келганига жаҳлим чиқди. Агар бир қизга ошиқ бўлсангиз унинг эркаликларига ҳам рози бўлишингиз керак. Бу менинг хатоим бўлди, иккинчи хатоим эса учрашувдан 2 кун ўтиб бу тунгги клубга борганим бўлди".
Айтишича, у клуб томонидан чиқарилган "Кўча чиқсанг 300 минг евро жарима тўлайсан" деган буйруқни эшитмаган экан.
