Лондоннинг "Арсенал" жамоаси ҳимоячиси Калум Чемберс фаолиятини АПЛнинг бошқа бир жамоасида давом эттириши мумкин.
"The Sun" нашри берган маълумотларга кўра, ҳимоячига "Эвертон" қизиқиш билдирмоқда ва қишки трансфер ойнасида уни сотиб олишга тайёр. "Канонирлар" устози Микель Артета Чемберсга ўйин амалиёти кераклигини билади, аммо у ўйинчи билан хайрлашишни истамайди.
"Тўпчилар" 5 миллион фунт стерлинг эвазига Чемберсни қўйиб юборишга тайёр. Футболчининг клуб билан амалдаги шартномаси 2022 йилнинг ёзида якунига етади.
Премьер-лиганинг жорий мавсумида Калум 2та ўйин ўтказиб, самарали ҳаракатлар амалга оширмади.
