«Интер»нинг асосий ярим ҳимоячиси Марсело Брозович клуб билан янги шартнома борасида музокаралар олиб бормоқда. «ПСЖ» вазиятни диққат билан кузатиб бормоқда ва ёзда футболчини текинга қўлга киритмоқчи.

L’Interista хабарига кўра, футболчининг отаси ҳафта охирида «Интер» билан муҳим учрашув ўтказади. Брозович билан шартномани узайтириш эҳтимоли катта.

29 ёшли футболчи 40 миллион еврога баҳоланмоқда. У 2016 йилдан бери «Интер»да ўйнаб келмоқда. Бу мавсумда у клуб учун деярли барча учрашувларда майдонга тушди.