«Inter»ning asosiy yarim himoyachisi Marselo Brozovich klub bilan yangi shartnoma borasida muzokaralar olib bormoqda. «PSJ» vaziyatni diqqat bilan kuzatib bormoqda va yozda futbolchini tekinga qo‘lga kiritmoqchi.
L’Interista xabariga ko‘ra, futbolchining otasi hafta oxirida «Inter» bilan muhim uchrashuv o‘tkazadi. Brozovich bilan shartnomani uzaytirish ehtimoli katta.
29 yoshli futbolchi 40 million yevroga baholanmoqda. U 2016 yildan beri «Inter»da o‘ynab kelmoqda. Bu mavsumda u klub uchun deyarli barcha uchrashuvlarda maydonga tushdi.
