Сўнгги пайтларда Маттейс де Лигтнинг “Ювентус”даги позицияси тобора кўпроқ муҳокама қилинмоқда. Кўпгина омиллар шуни кўрсатадики, футболчи яқин келажакда клубни тарк этиши мумкин.
Бироқ, бу жорий мавсум охиригача амалга ошмайди. Бу ҳақда голландияликнинг агенти Мино Райола журналист Фабрицио Романо билан суҳбатда маълум қилди.
«Энди Де Лихтнинг кетиши муҳокама қилинмайди. Ҳозир ноябрь,биз эса майни кутамиз. Ўша пайтда буни муҳокама қилиш мумкин”, деди Райола.
Маълумот ўрнида, аввалроқ, Лондоннинг “Челси” клуби нидерландиялик ҳимоячининг трансферини январь ойидаёқ амалга оширишни мақсад қилганлиги айтилганди.
