Франция терма жамоаси бош мураббийи Лоран Блан Италиянинг "Интер" клубига бош мураббий бўлиш учун энг асосий даъвогар, деб ёзмоқда «Le Parisien» нашри.
Миланликлар президенти Массимо Моратти француз мутахассисини Клаудио Раньерининг ўрнига муносиб номзод бўла олишига ишонмоқда. Ҳозирда терма жамоани бошқариб бораётган Лоран Бланнинг шартномаси ЕВРО-2012 якунлангач ниҳоясига етади.
Олдинроқ жамоага "Челси" собиқ устози Андре Виллаш-Боаш келиши борасида гап-сўзлар тарқалганди, бироқ Массимо Моратти бу маълумотларни тасдиқламаганди.