Ушбу ҳафта “Уотфорд” АПЛ доирасида “Манчестер Юнайтед”га қарши баҳс олиб боради. Жамоа бош мураббийи Клаудио Раньери ўйиндан олдинги матбуот анжуманида журналистларнинг Криштиану Роналдунинг трансфери манкунианликлар ўйинига салбий таъсир кўрсатдими, деган саволига жавоб берди.
“Унда менга Роналдуни беринг. Бу мен учун муаммо бўлмайди ва шу билан бирга у барча ўйинларни истисносиз майдонга тушади. У ўз ўйини билан ёш футболчиларга ёрдам берадиган ва спорт ривожига таъсир кўрсатадиган дунёнинг энг яхши ўйинчиларидан бири”, - дея изоҳ берди италиялик мутахассис.
Криштиану Роналду жорий мавсумида МЮ сафида барча мусобақалар доирасида 12 учрашувда 9 гол уришга эришди.
