"Челси"нинг собиқ дарвозабони, ҳозирги кунда эса техник директори Петр Чех клуб тарбияланувчиси Конор Галлахер ҳақида гапирди. У клуб сайтига шундай дейди:
"Конор учун Англия терма жамоасига чақирув олиш, кейин эса унда дебют қилиш жуда ҳам ажойиб бўлди. Мен у учун қувондим. Агар у "Кристал Пелас"га кетмай, шу ерда қолганида, бундай натижаларга эриша олмаган бўлар эди. Агар сен АПЛда доимий ўйнаётган бўлсанг, демак ниманидир эплай олаяпсан. Бу эса сенга ўзингни кўрсатиш имкониятини беради. Ўйлайманки, Конор янада яхшироқ бўлиб, "Челси"га қайтади ва бу ерда ўз ўринга эга бўлади".
Эслатиб ўтамиз, 21 ёшли ярим ҳимоячи бу мавсумда умумий 6та голда бевосита иштирок этган.
