Яқинда “Челси” футболчининг шартномасидаги банддан фойдаланиб, 17 ёшли яримҳимоячи Гавини “Барселона”дан сотиб олмоқчилиги ҳақида тарқалганди. Лондонликлар “кўк-анорранглилар” футболчисини 50 миллион еврога сотиб олмоқчи эди.
Бироқ журналист Фабрицио Романонинг хабар беришича, Каталония клуби бу вазиятдан хавотирда эмас. Хабарларга кўра, каталонияликлар яқин орада Гави янги шартнома имзолаши ва жамоада қолишига ишончи комил.
Таъкидланишича, Гави “Барселона” билан 5 йиллик шартнома имзолайди.
Маълумот ўрнида, ёш яримҳимоячи Луис Энрике қўл остида Испания терма жамоасига мунтазам равишда чақирилмоқда.
