«Каляри» марказий ҳимоячиси Диего Годин қишда «Бешиктош»га ўтиши мумкин, деб хабар беради Football Italia.
Газета хабарига кўра, турк клуби январь ойида «қизил-кўклар» билан шартномани бекор қилиб, эркин агентга айланмоқчи бўлган 35 ёшли футболчига анчадан бери қизиқиш билдирмоқда.
Ўтган ёзда уругвайлик футболчи «Бешиктош»га ўтишни истамаганди, аммо шундан кейин унинг фикри ўзгарган бўлиши мумкин.
Жорий мавсумда Годин «Каляри» сафида 9 та ўйинда майдонга тушиб, 2 та голли узатмани амалга оширди. Унинг бозор қиймати 2 миллион еврони ташкил қилади.
