Россия чемпионатида 15-тур ўйинлари бўлиб ўтмоқда.

Ушбу турда ҳамюртимиз Иброҳимхалил Йўлдошев ҳаракат қилаётган "Нижний Новгород" жамоаси сафарда "Зенит" меҳмони бўлди ва йирик 5:1 ҳисобида мағлубиятга учради.

Мезбонлар сафида Артем Дзюба хет-трик қайд этган бўлса, Малком ва Чистяков яна биттадан голлар муаллифи бўлишди. "Нижний Новгород" жамоасининг ягона жавоб тўпини Алексей Козлов киритди. Эътиборлиси, бу голга Иброҳимхалил ассистни амалга оширди.

Россия чемпионати, 15-тур

"Зенит" – "Нижний Новгород" – 5:1 (3:1,2:0)

Голлар: 24 - Малком (1:0), 34 Дзюба (2:0), 39 - Козлов (2:1), 45+2 - Дзюба (3:1), 59 - Дзюба (4:1), 88 - Чистяков (5:1).

"Зенит": Кержаков, Караваев, Чистяков, Ракицкий, Ловрен, Д.Сантос, Ерохин, Вендел, Мостовой, Малком, Дзюба.

"Нижний Новгород": Нигматуллин, Козлов, Каккоев, Миладинович, Кечкеш, Иброҳимхалил Йўлдошев, Могилевец, Бумаль, Берковский, Сулейманов, Косарев.