«Барселона» ҳужумчиси Лионель Месси Германиянинг «Байер» клубига қарши кечган Европа чемпионлар Лигаси нимчорак финали жавоб учрашуви (7:1) да 5 та гол киритди.
Энди аргентиналик футбол афсунгари кўҳна қитъанинг клублар ўртасидаги энг нуфузли турнирида киритган голлари сонини 49 тага етказиб олди. Бу эса Месси Чемпионлар лигаси тарихида тўпурарлар рўйхатининг тўртинчи поғонасига кўтарилишига олиб келди. «Реал»нинг афсонавий ҳужумчиси Альфредо Ди Стефано ҳисобида ҳам худди шунча гол бор.
Ҳозирча Мессидан кўпроқ гол урган уч футболчи – Тьерри Анри (51), Руд ван Нистелроой (54) ва Рауль (71) бўлиб турибди.
