Иккинчи дақиқадаёқ парижликлар ҳужумчиси Килиан Мбаппе ҳисобни очди. Иккинчи бўлимда «ПСЖ» дарвозабони Кейлор Навас майдондан четлатилди, аммо бу парижликларнинг якуний ғалабага эришишига тўсқинлик қилмади.

Меҳмонлар 77-дақиқада ҳисобни тенглаштиришди, бироқ кўп ўтмай «Нант» ҳимоячиси Деннис Аппиа тўпни ўз дарвозасига йўллади.

Ўйиннинг 87-дақиқасида Мбаппенинг узатмасидан унумли фойдаланган аргентиналик юлдуз Лионел Месси якуний ҳисобни ўрнатди. Бу аргентиналикнинг Франция чемпионатидаги илк голи бўлди.

«ПСЖ» - «Нант» 3:1

Голлар: Мбаппе, 2 (1:0); Муни, 77 (1:1); Аппиа, 81 (2:1, автогол); Месси, 87 (3:1).