"Манчестер Юнайтед" бош мураббийи Оле-Гуннар Сульшер ўз иш лавозимидан озод этилади, дея хабар берди "The Times" нашри.

Маълумотларга кўра, бундай қарорни МЮ раҳбарияти "Уотфорд"га учралган йирик ҳисобдаги мағлубиятдан кейинги (4:1) ўтказилган тезкор йиғилишда қабул қилган.

Ҳозирда норвегиялик мутахассис билан шартномани бекор қилиш тафсилотлари муҳокама қилинмоқда. Амалдаги шартномага кўра, мутахассиснинг ишдан бўшатилиши "қизил иблислар" учун 7,5 миллион фунтга тушиши мумкин.

Эслатиб ўтамиз, "Манчестер Юнайтед" Премьер-лигадаги сўнгги 5 ўйиннинг 4тасида мағлуб бўлди, шунингдек уларнинг 3тасида камида 4та гол ўтказиб юборди.