«Манчестер Юнайтед» ҳужумчиси Криштиану Роналду Луис Энрикени жамоа бош мураббийи сифатида кўрмоқчи, деб ёзади журналист Роб Дорсет Тwиttер саҳифасида.
«Криштиану Роналду Луис Энрике «Манчестер Юнайтед»нинг янги бош мураббийи бўлишини жуда хоҳлайди. Испаниялик мутахассис Зинедин Зидан ва Эрик тен Хаг билан бирга қаторда кўриб чиқилиши мумкин», - деб ёзади Дорсет.
21 ноябрь куни «Манчестер Юнайтед» Оле-Гуннар Сульшер жамоа бош мураббийлигидан кетишини эълон қилди. 48 ёшли норвегиялик мутахассис 2018 йилнинг декабрь ойидан буён жамоани бошқариб келмоқда эди. Майкл Керрик мураббий вазифасини бажарувчи этиб тайинланди.
