«Manchester Yunayted» hujumchisi Krishtianu Ronaldu Luis Enrikeni jamoa bosh murabbiyi sifatida ko‘rmoqchi, deb yozadi jurnalist Rob Dorset Twitter sahifasida.
«Krishtianu Ronaldu Luis Enrike «Manchester Yunayted»ning yangi bosh murabbiyi bo‘lishini juda xohlaydi. Ispaniyalik mutaxassis Zinedin Zidan va Erik ten Xag bilan birga qatorda ko‘rib chiqilishi mumkin», - deb yozadi Dorset.
21 noyabr kuni «Manchester Yunayted» Ole-Gunnar Sulsher jamoa bosh murabbiyligidan ketishini e’lon qildi. 48 yoshli norvegiyalik mutaxassis 2018 yilning dekabr oyidan buyon jamoani boshqarib kelmoqda edi. Maykl Kerrik murabbiy vazifasini bajaruvchi etib tayinlandi.
