“Челси” яримҳимоячиси Мейсон Маунт лондонликлар жамоасида етарлича эътибор берилмаётганидан норози. Футболчи жамоа натижаларига қўшган ҳиссасига қарамай, бор эътибор бошқа юқори даражадаги футболчиларга қаратилаётганидан норози. 

“Daily Star” нашрига кўра, Моунт ҳозирги вазиятдан ҳақиқатан ҳам ҳафсаласи пир бўлган. Инглизлар ўтган мавсумни муваффақиятли ўтказгандан кейин иккинчи даражали ролларга чекинишга рози эмас.

Тез орада футболчи бош мураббий Томас Тухель билан суҳбатлашиши мумкин. Дарвоқе, Англия Премьер-лигасининг жорий мавсумида 22 ёшли яримҳимоячи 5 та сермаҳсул ҳаракат қилган - 9 та ўйинда учта гол ва иккита голли узатма амалга оширган.