"Манчестер Юнайтед" собиқ бош мураббийи Оле-Гуннар Сульшернинг ёрдамчилари Майк Фелан ва Киран Маккенна жамоада ишлашда давом этади.

Бугун тонг вақтинчалик бош мураббийи лавозимини эгаллаган Майкл Керрик улардан клубни бошқаришда ёрдам сўраган. Бу ҳақда италиялик машҳур журналист Фабрицио Романо хабар берди.

Англия Премьер-лигасининг 12-турида "Уотфорд"га йирик ҳисобда мағлуб бўлган "қизил иблислар" раҳбарияти шошилинч йиғилиш ўтказиб, норвегиялик мутахассис билан хайрлашишга қарор қилган эди.

Бугун тонгда клуб Сульшернинг истеъфоси ҳақида расмий маълумот бериб, унинг ўрнини вақтинча Майкл Керрик эгаллаши ҳақда эълон қилди.