«Манчестер Сити» бош мураббийи Роберто Манчини инглиз журналистларига берган интервьюсида «Арсенал» ҳужумчиси Робин ван Персининг мухлиси эканлигини тан олди. Бу ҳақда «Championat.com» интернет-нашри хабар бермоқда.

«Ўйлашимча, Робин ван Перси айни вақтда, Месси, Роналду, Агуэро ва Балотелли билан бир қаторда, жаҳоннинг энг яхши ҳужумчиларидан бири ҳисобланади. У фантастик даражадаги ўйинчи, бироқ, ўйлашимча, у «Арсенал»да қолади», деди италиялик мутахассис.

«Агар у «Арсенал»ни тарк этишни истаса, албатта, биз бу футболчига қизиқиш билдирамиз. Лекин, ўйлашимча, у ҳозирги жамоаси билан янги шартнома имзолайди. Нима бўлганда ҳам, «Арсенал» – юқори даражадаги жамоа. Робин бу жамоада тўп суриб ҳам чемпионлик учун кураш олиб бора олади», дея қўшимча қилди «Манчестер Сити» бош мураббийи Роберто Манчини.