Франция чемпионатининг 14-туридан ўрин олган “Лион” – “Марсел” учрашуви ўйиннинг 5-дақиқасида тўхтатилди. Сабаби, учрашувга маҳаллий мухлислар халақит қилишди.
Қарама-қаршиликнинг 3-дақиқасида белгиланган бурчак зарбасини бажариш вақтида майдонда шишалар уча бошлади, шу сабаб ҳакам учрашувни бироз муддатга тўхтатди. Аммо у ўйинни давом эттирган заҳоти буюмлардан бири меҳмонлар яримҳимоячиси Димитри Пайетнинг бошига тегиб кетди.
Шундан сўнг мутасаддилар футболчиларни кийиниш хоналарига олиб чиқишга қарор қилишди. Учрашув давом этадими ёки йўқми ҳозирча маълум эмас.
