Яқин келажакда қимматбаҳо ўйинчиларни сотиб олишга умид қилишнинг ҳожати йўқлигини тушунган “Барселона”нинг янги бош мураббийи Хави Эрнандес арзонроқ вариантларни излай бошлади. Хусусан, мураббий ҳужум позициясини мустаҳкамлашга муҳтож.
Испаниянинг “Sport” нашри берган маълумотларга кўра, Хави олдин ишлаган “Ас-Садд” клуби ҳужумчиси Бағдод Бунежа қишда Каталонияга кўчиб ўтиши мумкин. Этиборлиси, 29 ёшли футболчи фаолияти давомида ҳеч қачон Европада ўйнамаган. У Тунис, Жазоир ва Қатар чемпионатларидаги жамоалари шарафини ҳимоя қилган.
Эслатиб ўтамиз, жорий мавсумда Бунежа “Ал-Садд” сафида 20 та ўйинда майдонга тушиб, 17 та гол уришга муваффақ бўлганди. Трансфермаркт портали жазоирлик футболчини 6 миллион еврога баҳоламоқда.
