"Рома" бош мураббийи Жозе Моуриньо Италия чемпионати 13-туридан ўрин олган "Женоа"га (2:0) қарши баҳсдаги ҳужумчи Феликс Афена-Гьяннинг ўйини ҳақида фикр билдирди.
“Мен Феликсга жуда ёқадиган бутсаларни сотиб олишга вада бергандим. Улар ҳақиқатан ҳам қиммат, 800 евро туради, шунинг учун у югуриб келиб, бу ҳақда унутмаслигимни айтди! Эртага эрталаб биринчи бўлиб қиладиган ишим уларни сотиб олиш бўлади", - деди мураббий.
Эслатиб ўтамиз, кечаги голи орқали ганалик ҳужумчи А Серияда 2003 йилда туғилган футболчилар орасида гол урган дастлабки ўйинчи бўлди.