Бари (Италия) шаҳри прокуратураси А сериянинг 2010/11 йилги мавсуми 37-турида бшлиб ўтган "Бари" ва "Лечче" жамоалари ўртасида кечган баҳсда ўйин меҳмонлар томонидан 300 минг еврога сотиб олинган деб ҳисоблаяпти, - деб ёзади Чемпионат.com.

 Мезбонлар учун бу ўйин ҳеч қандай аҳамиятга эга эмас эди - улар турнир жадвали сўнгги қаторида боришар, аммо дербидаги ғалаба мухлислар учун сўнгги юпанч вазифасини ўтар эди. "Лечче" эса элитада қолиш учун ушбу ўйинда ғалаба қозониши муҳим эди, чунки навбатдаги турда ЕЧЛ да қатнашиш учун курашаётган "Лацио"дан очко олиш амри маҳол эди. Натижада "Бари" "Лечче"га 0:2 ҳисобида ютқазди. Сўнгги турда "Лечче" "Лацио"га 2:4 ҳисобида мағлуб бўлди ва А серияда қолди. Бунинг устига "Лечче"-"Лацио" баҳси ҳам Кремона шаҳри прокуратурасини қизиқтириб қолган.

"Бари"-"Лечче" ўйинига келадиган бўлсак, терговчиларда ўйиндан бир неча кун аввал Бари шаҳрига керакли натижа учун катта сумма тўлашга тайёр одамлар келгани ҳақида маълумотлар бор. Олинган 300 минг евро келишилган ўйинда иштирок этган "Бари" футболчилар орасида тақсимланган, деган ишонч бор."Лечче" раҳбарияти ўйин келишилганлигини рад этувчи ариза билан чиқди.

Бу ишда бошқа жамолар ҳам пайдо бўлиши мумкин, масалан "Сампдория", бу клубнинг 34-турдаги "Бари" билан ўтган ўйини ҳам шубҳали кўриняпти. Прокуратура маълумотларига кўра, "Сампдория" яримҳимоячиси Стефано Губерти ўйиндан бир кун аввал гумонли шахслар билан учрашган, бу вақтда у отелда бўлиши лозим эди. Изқуварлар бир нарсани аниқлашга ҳаракат қилмоқдалар: бу ишнинг ташаббускори Губертими ё у фақат вакил сифатида қатнашганми?