«Аякс» бош мураббийи Эрик тен Хаг «Манчестер Юнайтед»нинг таклифини қабул қилмоқчи эмас.
«Мен бор эътиборимни «Аякс»да ишлашга қаратганман. Қолган ҳамма нарса мени чалғитади. Мен «Манчестер Юнайтед»дан менга бўлган қизиқиш ҳақида ҳеч нарса эшитмаганман, шунинг учун ҳам бу ҳақда ўйламагандим», - дейди мураббий.
Эслатиб ўтамиз, «Манчестер Юнайтед» якшанба куни истеъфога чиқарилган Оле-Гуннар Сулшернинг ўрнига мураббий қидирмоқда.
Тен Хаг «Аякс»ни 2017 йилнинг декабридан бери бошқариб келмоқда. Унинг клуб билан шартномаси 2022/23 йилги мавсум охиригача амал қилади.
