Мадриднинг «Реал» клуби «Лестер»нинг франциялик ҳимоячиси Уэсли Фофанага қизиқиш билдирмоқда, деб хабар беради El Nacional.
Манбанинг хабарига кўра, қироллик клуби футболчини қишки трансфер ойнасида сотиб олмоқчи ва у учун 40 миллион евро тўлашга тайёр. Эслатиб ўтамиз, франциялик футболчи айни дамда жароҳатидан фориғ бўлиб, жорий мавсумда ҳали бирор ўйинда майдонга тушмаган.
Ўтган мавсумда 20 ёшли Фофана «Лестер» сафида барча мусобақаларда 42 ўйинда майдонга тушиб, битта голли узатмани амалга оширган. Унинг клуб билан шартномаси 2025 йилнинг ёзига қадар амал қилади.
