Голландиялик яримҳимоячи Донни ван де Бекнинг келажаги секин-аста ойдинлашмоқда. Футболчи қишки трансфер ойнасида “Манчестер Юнайтед”ни тарк этиши мумкин, чунки у манкунианликлар таркибида ўз ўрнини топа олмаяпти.
“Todofichajes” нашри маълумотларига кўра, Ван де Бек фаолиятини Лондоннинг «Арсенал» клубида давом эттириши мумкин. Манбанинг таъкидлашича, футболчини ҳам ушбу вариант қизиқтирмоқда. “Канонирлар” аввалроқ Доннига қизиқиш билдиришган ва голландиялик футболчи музокаралар олиб боришга тайёр.
Манбага кўра, ван де Бек аллақачон “Юнайтед” раҳбариятидан ушбу трансферга ёрдам беришни сўраган.
Донни ўтган ёзда “Манчестер Юнайтед”га ўтиб, беш йиллик шартнома имзолаган эди. Унинг ҳозирги қиймати 25 миллион еврога баҳоланмоқда.
