«Манчестер Сити» бош мураббийи Хосеп Гвардиола ЙЧЛ гуруҳ босқичи 5-тури доирасида «ПСЖ»га қарши ўйин олдидан ҳужумчилар Лионель Месси ва Криштиану Роналду ўртасидаги қарама-қаршилик ҳақида ўз фикрлари билан ўртоқлашди.
«Буни баҳолаш жуда қийин. Баъзида Месси тўпни қўлга киритса, нима қилишни билмай қоласиз. «ПСЖ»нинг ҳар бир ҳужумчиси дунёнинг исталган жамоасида юлдузга айланиши мумкин, аммо бу ерда улар тўртта.
Месси ҳамон шу даражада ўйнаб, сифатли футбол кўрсатаётганидан жуда хурсандман.
Бу икки йигитнинг (Лионель Месси ва Криштиану Роналду) қилган ишни такрорлаш деярли мумкин эмас. Биз шунга ўхшаш нарсани кўришимиз мумкин, лекин менимча, бундай бўлмайди. Криштиану ва Месси каби футболчиларни топиш деярли мумкин эмас. Қолганлар бундай нарсани ярата олишмаса керак», - деди испаниялик мутахассис.
