«Manchester Siti» bosh murabbiyi Xosep Gvardiola YCHL guruh bosqichi 5-turi doirasida «PSJ»ga qarshi o‘yin oldidan hujumchilar Lionel Messi va Krishtianu Ronaldu o‘rtasidagi qarama-qarshilik haqida o‘z fikrlari bilan o‘rtoqlashdi.
«Buni baholash juda qiyin. Ba’zida Messi to‘pni qo‘lga kiritsa, nima qilishni bilmay qolasiz. «PSJ»ning har bir hujumchisi dunyoning istalgan jamoasida yulduzga aylanishi mumkin, ammo bu yerda ular to‘rtta.
Messi hamon shu darajada o‘ynab, sifatli futbol ko‘rsatayotganidan juda xursandman.
Bu ikki yigitning (Lionel Messi va Krishtianu Ronaldu) qilgan ishni takrorlash deyarli mumkin emas. Biz shunga o‘xshash narsani ko‘rishimiz mumkin, lekin menimcha, bunday bo‘lmaydi. Krishtianu va Messi kabi futbolchilarni topish deyarli mumkin emas. Qolganlar bunday narsani yarata olishmasa kerak», - dedi ispaniyalik mutaxassis.
