Нидерландиялик Дик Адвокат Ироқ терма жамоаси бош мураббийи лавозимини тарк этди, дея хабар берди Ироқ футбол федерациясининг "Facebook"даги расмий саҳифаси.

Адвокат ўрнига терма жамоани бош мураббий ёрдамчиси бўлиб ишлаган Желько Петрович бошқаради.

74 ёшли мутахассис Ироқ терма жамоасида 2021 йилнинг июнь ойидан буён ишлаб келаётган эди. Унинг қўл остида жамоа ЖЧ-2022 саралаш турнирининг 6 ўйинида 4 очко жамғарган ва турнир жадвалида 6 жамоа орасида 5-ўринни эгаллаб турибди. Терма жамоанинг саралаш босқичидан ўрин олган учрашувлари якунланишига 4та ўйини қолди.