Франция терма жамоаси ва «Манчестер Юнайтед» клубининг собиқ ҳужумчиси, айни вақтда Американинг «Нью-Йорк Космос» футбол клубининг спорт директори вазифасида фаолият кўрсатаётган Эрик Кантонанинг айтишича, АҚШ терма жамоаси яқин йигирма йил ичида жаҳон чемпиони бўла олади.
«Йигирма йил мобайнида бу мамлакат терма жамоаси жаҳон биринчилигида ғолиб чиқади. Мен ақл бовар қилмас ҳаракатлар қилаётган 9 ёшли болакайларни кўрдим. Ёшлар жуда истиқболли. Агар яқин 15 йил ичида бу терма жамоа чорак финал ва ярим финалга чиқа олса, бу ғурурланиш учун асос бўла олади», — деди Кантона.
Айни вақтда АҚШ терма жамоасини ўтмишда машҳур бўлган немис футболчиси Юрген Клинсманн шуғуллантирмоқда. Америкаликлар унинг раҳбарлиги остида сўнгги тўрт назорат учрашувида ғалаба қозонишди.
