Мадриднинг «Реал» клуби «Манчестер Сити» ҳимоячиси Педро Поррога қизиқиш билдирмоқда, деб хабар беради Мундо Депортиво.
Манба берган хабарга кўра, «Қироллик клуби» 22 ёшли испаниялик футболчининг Лиссабоннинг «Спортинг» клубидаги ўйини ижара асосида ўйнаганидан ҳайратда. Шу билан бирга, «Спортинг»да футболчини сотиб олиш имконияти бор.
Порро «Спортинг»да 2020 йилнинг августидан бери «Манчестер Сити»дан ижара асосида ўйнамоқда. 2021/22 йилги мавсумда футболчи португал жамоаси сафида 15 та ўйинда майдонга тушиб, 2 та гол ва 2 та голли узатмага муаллифлик қилган. Трансфермаркт.cом ҳимоячининг нархини 20 миллион еврога баҳоламоқда.
