“Get Italian Football News” нашри хабарига кўра, “Милан” ёзда “Реал” билан Марко Асенсио борасида музокаралар олиб борган. Манбага кўра, Мадрид клуби Килиан Мбаппе бўйича ПСЖ билан келишиб олса, испанияликни қўйиб юборишга тайёр эди.
Парижликлар ўз ҳужумчисини қўйиб юбормоқчи бўлмагани учун “қаймоқранглилар” Асенсиони ҳам қўйиб юборишмади. Охир-оқибат, иккала келишув ҳам муваффақиятсизликка учради.
Эслатиб ўтамиз, Килиан Мбаппе 2022 йилнинг ёзида эркин агент мақомини олади. Январь ойидан бошлаб футболчи янги клуби билан музокаралар олиб бориш ҳуқуқига эга.
