“Football Insider” нашри хабарига кўра, “Вулверхэмптон” ўз жамоаси ҳужумчиси Адама Траорени сотишга тайёр. Эслатиб ўтамиз, футболчига “Ливерпуль” қизиқиш билдирмоқда.
Манба берган хабарга кўра, “бўрилар” аллақачон ўз ҳужумчисига ўринбосар топиб бўлган. Клуб “Лейпциг” ҳужумчиси Хван Кхи Чанни сотиб олишни мақсад қилган.
Траоренинг “Вулверхэмптон” билан амалдаги шартномаси 2023 йилнинг ёзига қадар тузилган ва футболчининг нархи 20 миллион еврога баҳоланмоқда.
Жорий мавсумда “бўрилар” 12 турда 19 очко жамғариб, Премьер-лига турнир жадвалида олтинчи ўринда бормоқда.
