“Goal” нашри хабарига кўра, “Реал” “Челси” яримҳимоячиси Мейсон Маунтни ўз сафига қўшиб олмоқчи. Аммо маълум бўлишича, футболчининг ўзи “қаймоқранглилар” лагерига ўтишни истамаяпти. 

Манба берган хабарга кўра, 22 ёшли инглиз футболчиси фаолиятини “аристократлар” лагерида давом эттириш ва улар билан шартномани узайтириш ниятида.

Эслатиб ўтамиз, жорий мавсумда Маунт 15 та ўйин ўтказиб, 3 та гол урди ва 2 та голли узатмани амалга оширди. Мейсоннинг “Челси” билан амалдаги шартномаси 2024 йилгача мўлжалланган ва футболчининг нархи 75 миллион еврога баҳоланмоқда.