"Ливерпуль" бош мураббийи Юрген Клопп ўз фикрларига изоҳ берди. У "Порту"га қарши баҳсдан кейин шундай дейди:
"Мен буни назарда тутмаган эдим. Мен нега гапимни бу каби талқин қилаётганингизни тушуна олмаяпман. Мен уни "кичкина қитъа" деб атамадим. Мен ўша фикримда март ойига қадар халқаро танаффуслар йўқлигини назарда тутганман. январь ойида кичкина турнир бор деб мен шунчаки кинояли гапиргандим. Чунки биз бу мусобақа сабаб иккита яхши футболчимиздан фойдалана олмаймиз. Менинг она тилим инглиз эмас. Шу сабаб, сиз мени нотўғри тушунган бўлишингиз мумкин. Лекин мен буни ният қилмаган эдим. Сизлар эса айтилган гапни "кўпиртириб юборгансиз".
Эслатиб ўтамиз, Клопп "Арсенал"га қарши баҳсдан сўнг, "январда Африкада кичкина турнир бор" деган фикрни билдирган эди.