Олий лига бошлашига ҳам саноқли кунлар қолмоқда. «Машъал» жамоамиз жорий чемпионатдаги биринчи учрашувни Тошкентда 15 март куни «Бунёдкор»га қарши ўтказади.
Ундан кейин эса ўз майдонимизда «Металлург»ни қабул қиламиз. Айни пайтда тайёргарликни Янгиер шаҳрида олиб бораётган Владимир Фомичев шогирдлари кунига икки маҳалдан шуғулланишмоқда. Бизга маълум бўлишича, «Машъал» 11 март куни Қибрайда «Пахтакор»га қарши назорат баҳсини ўтказади. Аввал айтиб ўтилганидек, муборакликлар 9 март куни Ўзбекистон олимпия терма жамоаси билан куч синашишлари лозим эди, бироқ Абрамов «Машъал» ўрнига «Локомотив» билан ўйнашни маъқул кўрди.
Натижада «Машъал» фақат «Пахтакор» билан куч синашадиган бўлди. Биласиз, 11 март куни Суперкубок учун баҳс бўлиши лозим эди, бироқ бу ўйин ўтказилмайдиган бўлганидан кейин ўша куни «Пахтакор» Қибрайда ўртоқлик учрашуви ўтказишни лозим топди.
