Зинедин Зидан Франциянинг ПСЖ клуби бош мураббийига айланади. Бу ҳақда парижлик эгасининг укаси Халифа бин Ҳамад Аль-Тани ўзининг “Twitter”даги саҳифасида маълум қилди.
Ижтимоий тармоқда у келишувга эришилгани ва тез орада клуб бу ҳақда расман эълон қилишини ёзган.
“Зизу, ПСЖга хуш келибсиз”, деб ёзган Аль-Тани.
Парижликлар жамоаси бош мураббийи сифатида Зидан ўзига билдирилган умидларни оқламаган аргентиналик Маурисио Почеттино ўрнини эгаллайди.
Зинединнинг сўнгги иш жойи “Реал Мадрид” бўлган. “Қироллик клуби” билан биргаликда француз уч марта Чемпионлар лигасида зафар қучган.
