«Милан» ўзининг расмий сайти орқали жамоа бош мураббийи Стефано Пиоли билан шартнома узайтирилгани ҳақида хабар берди.
56 ёшли мутахассис клуб билан яна бир мавсумга узайтирилиши мумкин бўлган 2023 йилгача шартнома имзолади.
Пиоли «россонери»ни 2019 йилнинг октябрь ойидан буён бошқариб келмоқда, 106 ўйин ўтказиб, 59 ғалаба қозонган, 27 марта дуранг ўйнаган ва 20 та мағлубият аламини тотиб кўрган.
Calciomercato хабарига кўра, «Милан» билан янги келишувга кўра, мураббийнинг маоши бонусларни ҳисобга олмаганда 3,5 миллион еврони ташкил қилади.
