"Милан" ҳужумчиси Златан Иброҳимович жорий мавсум якунига етганидан сўнг, Мадриднинг "Реал" клубига ўтиши мумкин, дея хабар бермоқда Corriere dello Sport нашри. 

Манбада келтирилган маълумотларга кўра Златан Чемпионлар Лигаси доирасида "Арсенал"га қарши бўлиб ўтган ўйиндан сўнг "Милан" бош мураббийи Массимилиано Аллегрининг айрим қарорларига нисбатан танқидий муносабат билдирган. Жумладан, унга "канонирлар"га қарши ўйинда ўзи ўйнаган амплуа ёқмаган. 

Аввлроқ, Иброҳимовичнинг "Реал"га ўтиши мумкинлиги ҳақида Gazzetta dello Sport ҳам хабар берган эди. Унда таъкидланишича, агарда Жозе Моуриньо жамода қоладиган бўлса, ёзда у ҳарид қилмоқчи бўлган футболчилар орасида Ибра биринчилардан қаторида эътироф этилади.