Осиё чемпионлар лигаси гуруҳ босқичининг 3-турида Тошкентнинг «Пахтакор» клуби Қатар Юлдузлар лигаси иштирокчиси «Ал-Арабий» клубини қабул қилади. Беллашув 4 апрель санасига тайин қилинган.
ОФК қарорига кўра, мазкур жамоалар ўртасидаги ўйинни австралиялик ҳакамлар бригадаси бошқариб боради. Даниэль Петер Гринга қанотларда Лук Бренен ва Ҳобсон Брэд кўмак беришади. Тўртинчи ҳакам қирғизистонлик Дмитрий Машенцев.
«Пахтакор» илк турда Саудиянинг «Ал-Иттиҳод» клубидан йирик ҳисобда (0:4) мағлубиятга учраган бўлса, «Ал-Арабий» сафарда БААнинг «Бани Йас» клубидан енгилган (0:2). Иккинчи турда «Пахтакор» Тошкентда «Бани Йас»ни қабул қилса, «Ал-Арабий» Саудия етакчисини Қатарда имтиҳон қилади. Ҳар иккала ўйин 20 март санасига тайин қилинган.
«ПАХТАКОР» (Ўзбекистон) - «АЛ-АРАБИЙ» (Қатар)
4 апрель, 2012 йил.
Бош ҳакам: Даниэль Петер Грин (Австралия)
Қанот ҳаками: Лук Бренен (Австралия)
Қанот ҳаками: Ҳобсон Брэд (Австралия)
Тўртинчи ҳакам: Дмитрий Машенцев (Қирғизистон)
Назоратчи: Абдураҳмон Аззиёд (Саудия Арабистон)
Комиссар: Сулаймон Фарис (Иордания)
