Суперлиганинг сўнгги туридан ўрин олган “Бунёдкор” – “Пахтакор” ўйинидан сўнг (3:2) мезбонлар бош мураббийи Шуҳрат Мақсудов ўз фикрлари билан ўртоқлашди.
- Футболчиларга раҳмат айтмоқчиман! Уч кун олдин Ўзбекистон кубогида жуда қийин ва оғир 120 дақиқалик ўйин ўтказиб, пенальтилар сериясидаги аламли мағлубиятга учраган бўлсак-да, бугун ҳам матонат кўрсатишди. “Пахтакор”да таркиб деярли 80 фоиз ўзгарди. Аммо шунга қарамай футболчилар ғалаба қозонишди. Бизга ҳақиқатдан ҳам мухлислик қилганларга катта раҳмат айтиб қолмоқчиман! Бизга ишонч билдирган ҳомийимиз, Меҳриддин Раззоқовичга миннатдорчилик билдирмоқчиман! Мана шундай инсонлар кўп бўлсин! Раҳмат!
