Superliganing so‘nggi turidan o‘rin olgan “Bunyodkor” – “Paxtakor” o‘yinidan so‘ng (3:2) mezbonlar bosh murabbiyi Shuhrat Maqsudov o‘z fikrlari bilan o‘rtoqlashdi.
- Futbolchilarga rahmat aytmoqchiman! Uch kun oldin O‘zbekiston kubogida juda qiyin va og‘ir 120 daqiqalik o‘yin o‘tkazib, penaltilar seriyasidagi alamli mag‘lubiyatga uchragan bo‘lsak-da, bugun ham matonat ko‘rsatishdi. “Paxtakor”da tarkib deyarli 80 foiz o‘zgardi. Ammo shunga qaramay futbolchilar g‘alaba qozonishdi. Bizga haqiqatdan ham muxlislik qilganlarga katta rahmat aytib qolmoqchiman! Bizga ishonch bildirgan homiyimiz, Mehriddin Razzoqovichga minnatdorchilik bildirmoqchiman! Mana shunday insonlar ko‘p bo‘lsin! Rahmat!
