14 март кунги Ўзбекистон олимпия терма жамоасининг рақиби БАА олимпия терма жамоаси Туркиянинг Анталия шаҳрида машғулот олиб бораётганди.
8 март куни Украина иккинчи дивизиони вакили - «Ховерла-Закарпатье» клубига қарши синов-назорат ўйинида майдонга тушган Амирлик терма жамоаси 1:1 ҳисобига имзо чекди. 49-дақиқада украинлар олдинга ўтиб олганларига қарамай, ғалабани ушлаб қола олишмади. Техник ва жисмоний томондан анчагина кучли кўринган БАА устунликни ўз қўлида ушлаб турганига қарамай, фақатгина ҳисобни тенглаштира олди холос.
Эслатиб ўтамиз, Ўзбекистон ва БАА олимпия терма жамоалари ўртасидаги ўйин 14 март куни соат 18:00 да «Жар» стадионида бўлиб ўтади.
