«Интер» ҳужумчиси Лаутаро Мартинес «Венеция» устидан қозонилган ғалаба (2:0) ҳақида гапирди. Лаутаро «Интер»ни тарк этмоқчи эмас, балки бу клубнинг рамзига айланиш ниятида.
«Туйғулар ижобий, ўйин оғир кечди, ёмғир ёғди ва мен бу стадионда биринчи марта ўйнаяпман. Биз уч очко қўлга киритганимиздан хурсандмиз ва барқарорлик билан жадвалда юқорига кўтарилишни давом эттиришимиз жуда муҳим. Худди шу руҳда давом этишимиз шарт. Буни босқичма-босқич амалга ошириш биз учун аҳамиятли, чунки кўп йиллар ўтиб биз Чемпионлар лигасида қийин стартга қарамай яхши ҳаракат қилмоқдамиз.
Ҳозир бизда етуклик бор, ҳар бир ўйинда сабр-тоқат бор. Келажакда Интер рамзига айланишга умид қиламан. Мен бу ерга 2018 йилда келганман, бу футболка учун ҳамма нарсани бераман. Энди бизнинг кўкрагимизда Скудетто эмблемаси бор ва биз уни ҳимоя қилишда давом этишимиз керак», - дейди Лаутаро.
