«Интер» Донетскнинг «Шахтёр» клубининг бразилиялик ҳимоячиси Додога қизиқиш билдирмоқда, деб хабар беради InterLive.
Манбанинг хабарига кўра, итальян клуби футболчини қишки трансфер ойнаси вақтида сотиб олмоқчи. Аммо футболчининг нархи муаммога айланиши мумкин, чунки «Шахтёр» унинг учун 25 миллион евро талаб қилмоқда. Додо «Интер» таркибида клуб бош мураббийи Симоне Индзагидан норози бўлган голландиялик Дензел Дамфриснинг ўрнини эгаллаши мумкин.
Жорий мавсумда 23 ёшли Додо «Шахтёр» сафида 23 та ўйин ўтказиб, 4 та голга ассистентлик қилган. Унинг клуб билан шартномаси 2025 йилнинг ёзига қадар амал қилади.
